البحرعجيب جدا كوكتيل صفات هدوء غدر راحه هيجان

if(this.width > 400){ this.height = Math.round(((400)/this.width)*this.height); this.width = (400); }” border=”0″ name=”img” alt=”" />

اما شط اسكندريه مش اى بحر  اسكندرانى بجد اتطبع بصفاتنا البحر بالنسبه لنا حياة ما ينفعش يعدى يوم ما شوفهش

if(this.width > 400){ this.height = Math.round(((400)/this.width)*this.height); this.width = (400); }” border=”0″ name=”img” alt=”" />

فى اجازة ما قدرش اروح اصلى فى سيدى ياقوت عشان اشوف البحرالصيف حظى حلو شغال 8 ساعات على البحر وفى حضنه فى الشتاء روعه كل يوم وانا راجع من الكليه لازم اعدى عليه للمنشيه يوم الجمعه واصلى فى سيدى ياقوت عشان اشوف البحر

احب البحر لكن مانزلش اعوم فيه البحر عندى كائن حى يسمع ويتكلم يشاركنى افراحى وهمومى

بير مسعود ملتقى الاحبه نروحه مع صحابنا ونقعد احلى قعدة ونرمى الشلم ونتمى احلامنا تتحقق

يا سلام وانت ماشى على الكورنيش فى عز النوة والموج عالى يغرقك ويبل هدومك ايووو على السعادة والنشوة

يا سلام على الغروب فى القلعه فى رمضان وانت بتراقب البحر بياكل الشمس  رغيف نص ربع لقمه هوبه اكلها كلها المدفع يضرب نجرى على بيت العائله والبحر يطلعلك لسانه ويقولك كل سنه وانت طيب يا صايم انا فطرت خلاص

if(this.width > 400){ this.height = Math.round(((400)/this.width)*this.height); this.width = (400); }” border=”0″ name=”img” alt=”" />

يا سلام ساعه جرى الصبح والفجر بيشقشق والبحر لسه صاحى يفوق من كسله ويصبح عليك

يا سلام على البلنس وهو طالع العصارى بسمك البحر بانواعه طازة وريحه الظفارة تنتعش منخيرك ايوة

قمه المتعه كرسى لوحدك فى حته بعيدة على البحر طبعا ادى ضهرك للدنيا والناس والمشاكل والهموم  واتكلم وقول واحكى والبحر عيسمعك وعيرد عليك ويريحيك ويهديك للى عايزيه

واخير مقدرش غير اقول

البحر ده مش ميه ولا موجه فوق صخرة البحر دة اغنيه اسمعها ميه مرة من تانى يوحشنى