اعز الناس

اجتمع فريق اسكندريه قبل السفر للتعارف ووضع خطه العمل فى المعسكر وكان باين من الاول ان المجموعة قمه الترابط والانسجام شباب حلو لا بيعرف يحور ولا بيزعل من النقد فله المهم طلعت المعسكر مكره اخاك لا بطل  بس بامانه كان فى عضوين زى العسل (رانيا&محمد سيد) احنا التلاته قلنا اذ كان الاسكندرانيه طلعوا عينا امال الصعايدة عيعملوا معانا ايه كانت بعثه بنى سويف اولهم وصولا الانطباع الاول مش لطيف  سوهاج حدث ولا حرج اسوان عطتنا امل لكن بعد التعارف وتقسيم المجموعات والعمل يدوب يوم وحدث الانسجام والتالق فى العلاقات واثبتنا خطا مقوله الانطباع الاول يدوم مكنتش متصور انى ععمل الكم الرهيب من الصداقات وكنت باقولهم انتم مش صعايدة ابدا فكر منفتح حيويه الشباب روح جمليه طيبه فطريه فظيعة صداقات مع محافظات اخرى ليها خصوصيتها نختلف ونتتاقش فى العادات والتقاليد نرفضها نقبلها نحاول نغيرها بس نحترمها كونت صداقات مع حوال 30 شاب وفتاه انتهى المعسكر وسط حالة حزن مسيطرة على الجميع  رغم معرفتنا بلقاء بعد 3 اشهر واستمرت المكالمات والشات وتقابل البعض فى لقاءات اخرى  وبعد 3 اشهر كان اللقاء فى الغردقة وكان قمه الروعة4 ايام يوم عمل عرض المشاريع 3 ايام دلع وهزارنزول مياه اكتر من 35 نفر فى شاطى المعسكر هزار ورش مياة العب كورة باليل نطلع البلد جروب واحد نلف ونجرى ونهزر مع السواح ونتصور معاهم نرجع بالليل نجيب الملايه على الجنينة قدام البحر افرشها واتعشى وشغل الردايو اذاعة الاغانى العب لف القزازة واسالنى الصعايدة مسمينها كدة ايووو على الاسئله والاجوبة والروعة وفجاه فى اخر يوم نسلم على بعض ونودعهم واحنا عارفين ان احنا مش عنقابل بعض تانى طول حياتنا الا صدفه لو جت اه الاحساس بالحزن والكابه ده حرام حال الدنيا العيب فيها ولا فينا احنا عاطفين زياده شويه والهى واحنا راجعين فى الاتوبيس سامعينهم بيكلمنوا ولكن تبقى الذكر ى الجميله والصورة الحلوة يبقوا اعز الناس

1185649289.wma